Бизнинг миссиямиз
Ҳозирги замон стоматология фани терапевтик, жарроҳлик, ортопедик, болалар стоматологияси, ортодонтия ва юз-жағ жарроҳлиги каби бўлимларни ўз ичига олади. Терапевтик стоматология тиш (карийес, пулпит, периодонтит, нокарийес хасталиклар) ҳамда оғиз шиллиқ қавати, лаб, тил касалликлари диагностикаси, давоси ва профилактикаси билан шуғулланади. Жарроҳлик стоматологияси тиш олишдан ташқари юз-жағ ва унга қўшни соҳалардаги яллиғланишлар, ўсмалар, шикастланишлар, туғма ва орттирилган нуқсонларни ўрганади, оғиз бўшлиғи ва юз-жағ операциялари, пластик операцияларни амалга оширади. Ортопедик стоматология ортопедик ва ортодонтик усуллар билан бирламчи ва иккиламчи тишлар қатори ҳамда туғма ва орттирилган тишлар нуқсонларини даволайди, ясама тишлар билан тиш қатори нуқсонларини тиклайди.